चितवन। इच्छाकामना गाउँपालिका- ४ घोप्टेभिरमा सुख्खा पहिरो खस्दा पृथ्वी राजमार्ग अबरुद्ध भएको छ।
घोप्टेभिरको कुरिनटारनजिकै पहिरो खस्दा पृथ्वी राजमार्ग दुईतर्फी नै अबरुद्ध भएको नेपाल प्रहरीले जानकारी दिएको हो। सोमबार विहान करिब ५ बजे सडकमाथिबाट सुख्खा पहिरो खसेको थियो।
जिल्ला प्रहरी कार्यालय चितवनका प्रमुख रामेश्वर पौडेलका अनुसार पहिरोका कारण सडक दुईतर्फी नै अबरुद्ध छ।
पहिरो हटाउन आवश्यक मेसिन उपकरण परिचालन भइसकेको र सकेसम्म छिटो यातायात संचालनको प्रयास भइरहेको छ। पहिरो हटाउन करिब तीन घण्टा लाग्ने अनुमान छ।
