काठमाडौँ। पृथ्वी राजमार्ग अन्तर्गत मलेखु–मुग्लिङ सडक खण्डको घोप्टेभीरमा झरेको पहिरो पन्छाएपछि सडक सुचारू भएको छ।
सोमबार बिहानै ठूलो सुख्खा पहिरो खसेपछि सडक दुईतर्फी रूपमै पुर्ण अबरुद्ध थियो। हाल पहिरो पन्छाइएपछि अबरुद्ध सडक दुईतर्फीनै सञ्चालन भएको सडक विभागले जनाएको छ।
विभागका प्रवक्ता शुभराज न्यौपानेले पहिरो पन्छाएपछि सडक सञ्चालनमा आएको जानकारी दिए।
विभागका अनुसार, उक्त सडक खण्डको चेनज ७९+२०० स्थित घोप्टेभीरमा खसेको पहिरो हटाउन ५ वटा मेसिन (उपकरण) हरूको सहायता लिइएको थियो।
