काठमाडौँ। भारत, चीन र इजरायलका लागि नवनियुक्त राजदूतहरूले पद तथा गोपनीयताको शपथ लिएका छन्।
राष्ट्रपति रामचन्द्र पौडेलसमक्ष सोमबार राष्ट्रपति भवन शीतल निवासमा आयोजित समारोहमा तीनै जना राजदूतले शपथ लिएका हुन्।
शपथ लिनेमा भारतका लागि डा. निश्चलनाथ पाण्डे, चीनका लागि डा. कल्याणराज शर्मा र इजरायलका लागि सुरेशकुमार कर्ण रहेका छन्।
उनीहरूले राष्ट्रपति पौडेलसमक्ष राजदूत पदको पद तथा गोपनीयताको शपथ लिएका हुन्।



